13 aprel tarixində Avstraliya hökuməti tarixdə ilk dəfə olaraq ölkə ordusuna qadın - general-leytenant Syuzan Koyl rəhbərlik edəcəyini açıqladı.
Turkustan.az xəbər verir ki, bu barədə "Reuters" məlumat yayıb.
Birgə imkanlar üzrə rəhbər olan Koyl iyul ayında Avstraliya Ordusunun komandanı olacaq. O, bu vəzifədə general-leytenant Saymon Stüartı əvəz edəcək.
Baş nazir Entoni Albanese bildirib ki, "İyul ayından etibarən Avstraliya Ordusunun 125 illik tarixində ilk dəfə olaraq qadın baş qərargah rəisi olacaq".
Koylun təyinatı Avstraliya Silahlı Qüvvələrinin (ADF) öz sıralarında qadın zabitlərin sayını artırmağa çalışdığı bir vaxta təsadüf edir, çünki ölkənin silahlı qüvvələri sistematik cinsi təcavüz və ayrı-seçkilik iddiaları dalğası ilə üzləşir.
Aytən Yaşar/ Turkustan.az
