Tramp administrasiyasının İrana qarşı mübarizədə kifayət qədər dəstək vermədiyinə inandığı bəzi NATO müttəfiqlərinə qarşı yeni bir addım hazırladığı iddia edilir.
Turkustan.az xəbər verir ki, məlumata görə, Almaniya, İspaniya və Fransa kimi ölkələr bu planın hədəfləri arasındadır.
ABŞ mətbuatında yer alan xəbərlərə görə, Vaşinqton administrasiyası İrana qarşı müharibəni dəstəkləməyən NATO ölkələrindən Amerika qoşunlarını çıxarmağı və daha çox dəstək təklif edən ölkələrə köçürməyi düşünür. Plan NATO-dan tamamilə çıxmaqla müqayisədə daha məhdud bir addım kimi təsvir edilir.
Hələ də layihə mərhələsində olduğu deyilən plana təkcə qoşunların köçürülməsi deyil, həm də bəzi Avropa ölkələrindəki ABŞ bazalarının bağlanması daxil ola bilər. Almaniya və İspaniya bu baxımdan diqqət çəkən ölkələr arasındadır.
ABŞ-ın Avropada təxminən 84.000 əsgəri var və bu bazalar həm hərbi əməliyyatlar, həm də regional sabitlik üçün vacibdir.
Aytən Yaşar/ Turkustan.az
