Latın Amerikası və Karib hövzəsinin ən qədim parlament platformalarından biri olan Latın Amerikası və Karib Hövzəsi Parlamentinin (PAC) 39-cu Baş Assambleyası Panama şəhərində geniş iştirakla keçirilib.
Turkustan.az xəbər verir ki, Türkiyə Böyük Millət Məclisini təmsil edən Əli Şahin 23 ölkədən olan parlamentarilərə müraciət edərək qlobal sistemdə ədalətin, çoxtərəfliliyin və parlament diplomatiyasının gücləndirilməsinə çağırıb.
Çıxışına iştirakçıları salamlayaraq başlayan Şahin, Türkiyənin 2021-ci ildən bəri PARLATINO-da daimi müşahidəçi statusuna malik olduğunu xatırladaraq, bu platformaya verilən əhəmiyyəti vurğulayıb. O, Türkiyənin parlamentlərarası münasibətlərə strateji bir vasitə kimi baxdığını qeyd edib: “Biz PARLATINO-nu təkcə əməkdaşlıq platforması deyil, həm də özümüzü dostlar arasında hiss etdiyimiz bir platforma hesab edirik”.
Şahin çıxışına Kolumbiyada baş verən hərbi təyyarə qəzasında həyatını itirənlər üçün başsağlığı verməklə başlayıb. O, Kolumbiya xalqına və hökumətinə başsağlığı verib və regional həmrəyliyin vacibliyini vurğulayıb.
Baş Assambleyada Şahin qlobal güc balansındakı dəyişikliyi də diqqətə çatdırıb. Beynəlxalq hüququn zəiflədiyi bir mühitdə gücün haqlı olduğu bir strukturun artan dominantlığını qeyd edən Şahin bildirib: “Dünya güclülər üçün kral meşəsi kimidir”. O əlavə edib ki, daha ədalətli bir nizam axtarışı qaçılmazdır.
Aytən Yaşar/ Turkustan.az
