İranın Milli Təhlükəsizlik Şurasının katibi Əli Laricaninin sui-qəsdə uğraması sağ qalan İran rəhbərliyinə bir mesajdır: ya güzəşt, ya da ölüm.
Turkustan.az xəbər verir ki, bu barədə “Yerusəlim Post” məlumat yayıb.
“Real olaraq İranı idarə edən, yaxud da gündəlik fəaliyyətlərinin böyük bir hissəsini yaralı Müctəba Xamenei adından idarə edən Əli Laricaninin ölümü sağ qalan bütün İran liderlərinə bir mesaj göndərdi: vaxtınız bitdi. Başqa sözlə, sağ qalan İran liderləri ya açıq şəkildə müharibəyə son qoymaq üçün ciddi güzəştlərə gedə bilər, ya da razılıq əldə olunmazsa, yaxın gələcəkdə daha böyük qətllər baş verə bilər. Laricaniyə edilən zərbə siqnaldır, lakin müharibə irəlilədikcə İranın buna qulaq asıb-asmadığı məlum olacaq”, - məlumatda deyilib.
Qeyd edək ki, İsrailin müdafiə naziri İsrail Katz Əli Laricaninin öldürüldüyünü elan edib. /axar.az/
