Çin Xarici İşlər Nazirliyinin sözçüsü Mao Ninq çərşənbə axşamı keçirilən mətbuat konfransında ABŞ-ın Venesuela və İrandakı hərbi əməliyyatlarının qlobal enerji təchizatına potensial təsiri ilə bağlı sualı cavablandırıb.
Turkustan.az xəbər verir ki, o bildirib ki, Çin enerji təhlükəsizliyini təmin etmək üçün zəruri tədbirləri görəcək.
Mao enerji təhlükəsizliyinin qlobal iqtisadiyyat üçün kritik əhəmiyyət daşıdığını vurğulayaraq deyib: “Enerji təhlükəsizliyi qlobal iqtisadiyyat üçün çox vacibdir və bütün tərəflər sabit və fasiləsiz enerji təchizatını təmin etməlidirlər.” O, Çinin bu sahədə danışıqlar gücünü və ehtiyatlarını gücləndirmək üçün səylərini davam etdirəcəyini bildirib və digər ölkələrin suverenliyinə və təhlükəsizliyinə qəsd etmək üçün güc tətbiqinə qarşı olduqlarını bir daha təsdiqləyib.
Çinin bu açıqlaması ABŞ-ın həm Venesueladakı hərbi fəaliyyətinə, həm də İrana qarşı əməliyyatlarına görə beynəlxalq səviyyədə tənqid olunmağa davam etdiyi bir vaxta təsadüf edir. Pekin əvvəllər ABŞ-ın Venesuelaya müdaxiləsini və təhdidlərini regional sülh üçün risk hesab edərək tənqid etmişdi. Mao Ninq daha əvvəl də Çinin güc tətbiqinə və güc tətbiqi ilə hədələnməyə qarşı mövqeyini vurğulamışdı.
Aytən Yaşar/ Turkustan.az
