İranla artan gərginlik fonunda ABŞ Aralıq dənizindən Oman körfəzinə qədər uzanan xətt boyunca hərbi mövcudluğunu gücləndirib.
Turkustan.az xəbər verir ki, açıq mənbəli kəşfiyyat (OSINT) məlumatlarının təhlilinə əsasən, bölgədəki ABŞ hərbi gəmilərinin sayı 23-ə çatıb.
Məlumatlara görə, ABŞ-ın:
Aralıq dənizində 10,
Ədən körfəzində 1,
Ərəb dənizində 10,
Fars körfəzində isə 2 hərbi gəmisi fəaliyyət göstərir.
Aralıq dənizindəki qüvvələr
Hazırda Aralıq dənizində 1 təyyarədaşıyan gəmi, 8 esmines və 1 yanacaq tankeri daxil olmaqla ümumilikdə 10 hərbi gəmi yerləşdirilib.
Bunların arasında ABŞ Hərbi Dəniz Qüvvələrinin ən yeni nəsil təyyarədaşıyan gəmisi — USS Gerald R. Ford də var. Nüvə enerji qurğusu ilə təchiz olunan gəmi uzun müddət yanacaq doldurmadan fəaliyyət göstərə bilir. Təxminən 100 min ton tam yüklənmiş suötürməyə malik olan bu təyyarədaşıyan 75-ə qədər döyüş təyyarəsi daşımaq imkanına sahibdir və açıq dənizlərdə genişmiqyaslı hava əməliyyatlarının aparılmasına şərait yaradır.
Gəmi qabaqcıl radar sistemləri, elektron müharibə imkanları və yaxın mənzilli hava hücumundan müdafiə sistemləri ilə təchiz olunub. Təxminən 4 500 nəfərlik heyətə malik olan bu platforma ABŞ-ın qlobal hərbi çəkindirmə strategiyasının əsas elementlərindən biri hesab olunur.
Bundan əlavə, bölgədə Arleigh Burke-class destroyer tipli idarə olunan raket esminesləri yerləşdirilib. Bu gəmilər hava hücumundan müdafiə, sualtı qayıqlara qarşı mübarizə və ballistik raketlərdən müdafiə daxil olmaqla çoxməqsədli əməliyyat imkanlarına malikdir və müxtəlif hərbi missiyaları icra edə bili
Aytən Yaşar/ Turkustan.az
