Dünya üzrə pivəyə tələbat azalır və iri istehsalçılar xərcləri ixtisar etməyə başlayıb.
Turkustan.az xəbər verir ki, “Bloomberg”in məlumatına görə, dünyanın ikinci ən böyük pivə istehsalçılarından biri olan Heineken qlobal miqyasda 6 minədək əməkdaşını işdən azaldacaq.
2025-ci ilin yekunlarına əsasən satışlar 2,4% geriləyib. İstehlak xüsusilə ABŞ və Avropada ciddi şəkildə aşağı düşüb.
Mütəxəssislər bildirirlər ki, oxşar problemlər digər pivə markalarında da müşahidə olunur və sahə açıq-aşkar tənəzzül mərhələsinə daxil olub. Analitiklər bunu istehlakçı vərdişlərinin dəyişməsi, sağlam həyat tərzinə marağın artması və alkoqolsuz içkilərin populyarlaşması ilə izah edirlər. /Musavat.com/
