ABŞ Konqresinin Aşağı Palatası 2026-cı maliyyə ili üçün 900 milyard dollarlıq hərbi büdcə, o cümlədən 400 milyon dolları Ukraynaya yardım üçün nəzərdə tutulan Milli Müdafiə Təxsisatı Aktını təsdiqləyib.
Turkustan.az xəbər verir ki, səsvermə Vaşinqton vaxtı ilə çərşənbə axşamı baş tutub.
Layihənin lehinə 312 konqresmen, əleyhinə 112 konqresmen səs verib.
Hazırda sənəd baxılmaq üçün Senata göndərilib. Gələn həftə yuxarı palatanın müdafiə büdcəsi qanun layihəsinə səs verəcəyi gözlənilir .
Buraya, xüsusən, Amerika hərbçilərinin və onların ailə üzvlərinin həyat keyfiyyətinin yaxşılaşdırılması daxildir.
Ayrı-ayrılıqda, Ukraynanın müdafiəsini dəstəkləmək üçün 400 milyon dollar vəsait ayrılır. Bu vəsait Ukrayna Silahlı Qüvvələrinin suverenliyi və ərazi bütövlüyünü qorumaq imkanlarını genişləndirən, institusional transformasiya təşəbbüslərini dəstəkləyən və ABŞ-ın siyasi və hərbi məqsədlərinə nail olan Milli Təhlükəsizlik Təşəbbüsünə yönəldiləcək.
Aytən Yaşar/ Turkustan.az
