İtaliyanın xarici işlər naziri Antonio Tajani bildirib ki, ölkəsinin Ukraynaya yardımda iştirakı sülh gələnə qədər davam edəcək.
Turkustan.az xəbər verir ki,bu barədə “The Epoch Times” məlumat yayıb .
"İtaliya Ukraynaya sülh gələnə qədər kömək etməyə davam edəcək, lakin ümid edir ki, mümkün qədər tez Kiyevə silah göndərməyə ehtiyac qalmayacaq", - hökumət rəsmisi bildirib.
Tajani əlavə edib ki, dünən o, ABŞ dövlət katibi Marko Rubioya İtaliyanın ABŞ-ın atəşkəsə nail olmaq səylərini dəstəklədiyini təkrarlayıb.
"Danışıqlar davam edir. Biz yüz minlərlə insanın ölümünə səbəb olan dəhşətli dövrə son qoymaq üçün çalışırıq. İtaliya sülh səylərini dəstəkləmək üçün əlindən gələni edir, lakin sülh gələnə qədər biz Ukraynaya kömək etməyə davam edəcəyik", - nazir Ukraynaya on ikinci yardım paketinin işə salınmasına toxunaraq vurğulayıb.
Aytən Yaşar/ Turkustan.az
