ABŞ-da 8 ölkədən 32 fərd və təşkilat İranın ballistik raket və PUA istehsalına maliyyə, maddi və texnoloji dəstək verdiyinə görə sanksiya siyahısına daxil edilib.
Turkustan.az xəbər verir ki, bu barədə ABŞ Maliyyə Nazirliyi bəyanat yayıb.
Məlumata görə, İran, Türkiyə, Birləşmiş Ərəb Əmirlikləri (BƏƏ), Çin, Honkonq, Hindistan, Almaniya və Ukraynadan olan 32 şəxs və təşkilat bu siyahıya əlavə edilib.
Bildirilib ki, bu fərdlər və təşkilatlar ABŞ və müttəfiqlərinin Yaxın Şərqdəki fəaliyyəti, eyni zamanda, Qırmızı dəniz ticarəti üçün risk yaradır.
Sanksiyalardan təsirlənən şəxslər və təşkilatlarla hər hansı bir əməliyyat aparan xarici maliyyə qurumlarının ikinci dərəcəli sanksiyalara məruz qala biləcəyi vurğulanıb.
Qeyd edilib ki, yeni sanksiyalar ABŞ-ın İrana qarşı qəbul edilən qərarlara dəstəyinin bir hissəsi olaraq nüvə silahsızlanmasına qarşı sanksiyaların ikinci mərhələsini təmsil edir./publika.az
