Qətər İsrailin HƏMAS Siyasi Bürosunun bəzi üzvlərinin Dohadakı iqamətgahlarını hədəf alan hücumlarını pisləyib və onları "qorxaqlıq" və ən sərt ifadələrlə xarakterizə edib.
Turkustan.az xəbər verir ki, Qətər Xarici İşlər Nazirliyinin sözçüsü Məcid əl-Ənsari Amerikanın X şirkətinin sosial media hesabından məsələ ilə bağlı açıqlama verib.
"Qətər Dövləti İsrailin HƏMAS Siyasi Bürosunun bəzi üzvlərinin paytaxt Dohadakı iqamətgahlarını hədəf alan qorxaqcasına hücumunu qəti şəkildə pisləyir", - Ənsari bildirib.
Bəyanatda İsrailin hücumunun bütün beynəlxalq qanun və normaların açıq şəkildə pozulması olduğu və hücumun Qətər xalqının təhlükəsizliyi üçün ciddi təhdid olduğu qeyd edilib.
Ensari səlahiyyətlilərin hadisəyə dərhal müdaxilə etdiyini və hədəf alınan bölgə sakinlərinin təhlükəsizliyini təmin etmək üçün lazımi tədbirlərin görüldüyünü bildirib.
Qətərin İsrailin hücumunu şiddətlə qınadığını vurğulayan Ənsari, İsrailin "ehtiyatsız davranışı, regional təhlükəsizliyə davamlı müdaxiləsi və Qətərin təhlükəsizliyini və suverenliyini hədəf alan hər hansı bir hərəkətə dözə bilməyəcəyini" vurğulayıb.
Ənsari İsrailin hücumu ilə bağlı "ən yüksək səviyyəli" araşdırmaların davam etdiyini vurğulayıb.
İsrail ordusu Qətərin paytaxtı Dohada törədilən partlayışlardan sonra HƏMAS-ın yüksək rütbəli şəxslərinə hava hücumu təşkil etdiyini açıqlayıb.
Aytən Yaşar/ Turkustan.az
