ABŞ prezidenti Donald Tramp bildirib ki, onun Rusiya lideri Vladimir Putinə heç bir mesajı yoxdur, çünki Rusiya bu və ya digər şəkildə Ukraynadakı müharibə ilə bağlı qərar verməlidir - və bu qərardan asılı olaraq ABŞ bundan sonra da hərəkət edəcək.
Turkustan.az xəbər verir ki, bunu çərşənbə günü Tramp Ağ Evin Oval kabinetində Polşa prezidenti Karol Navroçki ilə görüşü zamanı deyib.
"Prezident Putinə heç bir mesajım yoxdur. O, mənim mövqeyimi bilir və bu və ya digər şəkildə qərar verəcək", - Tramp deyib.
O, Rusiya liderinin qərarı nə olursa olsun, ABŞ-ın bundan ya razı qalacağını, ya da narazı qalacağını vurğulayıb.
"Əgər biz narazı olsaq, nə baş verdiyini görəcəksiniz", - Amerika prezidenti bildirib.
Qeyd edək ki, Pentaqonun rəhbəri Pit Heqset bildirib ki, prezident Tramp Müdafiə Nazirliyinə Çin, Rusiya və digərlərinə qarşı çəkindirmə tədbirlərini bərpa etmək barədə göstəriş verib.
Aytən Yaşar/ Turkustan.az
