E3 ölkələri kimi tanınan İngiltərə, Almaniya və Fransanın ortaq imzası ilə edilən yazılı açıqlamada, Yaxın Şərqdə bütün ölkələr üçün sülh və sabitliyin tərəfdarı olduqları bildirilib.
Turkustan.az xəbər verir ki, bəyanatda İranı regionda sabitliyi poza biləcək hərəkətlərdən çəkinməyə çağıraraq, E3 ölkələrinin gərginliyi azaltmaq və İsrailin İrana hücumları ilə başlayan münaqişənin daha da genişlənməsinin qarşısını almaq üçün diplomatik səylərini davam etdirəcəkləri bildirilib.
Bəyanatda E3 ölkələrinin İsrailin təhlükəsizliyinə sadiq olduqları qeyd edilib və “Biz həmişə aydın olmuşuq ki, İran heç vaxt nüvə silahına sahib ola bilməz və bundan sonra regional təhlükəsizliyə təhdid yarada bilməz”.
Açıqlamada ABŞ-ın İrandakı 3 nüvə obyektinə hücum etdiyi xatırladılıb və aşağıdakı bəyanatlara yer verilib:
"Məqsədimiz İranın nüvə silahı əldə etməsinin qarşısını almaqdır. Biz İranı nüvə proqramı ilə bağlı bütün narahatlıqları aradan qaldıran razılaşma əldə etmək üçün danışıqlara qoşulmağa çağırırıq. Bu məqsədə çatmaq üçün bütün tərəflərlə koordinasiyaya hazırıq".
Almaniyanın xarici işlər naziri Johann Wadephul deyib ki, İranın nüvə silahı əldə etməsinin qarşısını almaq tamamilə qanunidir.
Vadephul ARD televiziyasına verdiyi açıqlamada "İranın nüvə silahı əldə etməsinin qarşısını almaq tamamilə qanunidir" dedi.
Bununla belə, radiasiya sızması təhlükəsi ilə üzləşən nüvə obyektinə birbaşa hücumun qanuniliyi ilə bağlı suala Wadephul aşağıdakı qiymətləndirməni etdi:
"Onlar xüsusi olaraq qorunur. Xoşbəxtlikdən, İrandan və Beynəlxalq Atom Enerjisi Agentliyindən məlumat almışıq ki, indiyədək ölçülə bilən radiasiya sızması olmayıb. Ümid edirik ki, bu vəziyyət davam edəcək. Amma bir daha deyirəm, razılaşmalara əməl etməyən, qaydaları pozan İran olub".
Almaniyanın mövqeyinin “indi danışıqlara ehtiyac var” olduğunu ifadə edən alman nazir İranın bu təcililiyi dərk edəcəyinə ümid etdiyini qeyd edib.
Münaqişələri sülh və kompromis yolu ilə sona çatdırmaq üçün hər cür imkanın olduğunu əsas gətirən Vadeful İranın buna hazır olması lazım olduğunu, lakin belə bir hazırlıq görmədiklərini bildirib.
Birləşmiş Millətlər Təşkilatının İranın uranın zənginləşdirilməsi proqramının ağlabatan mülki istifadədən çox kənara çıxdığını müəyyən etdiyinə işarə edən Vadephul, "Deməli, İranın özü də qırmızı xətti keçib" dedi.
Aytən Yaşar/ Turkustan.az
