İsrail - İran müharibəsinin 8-ci günündə iki ölkə bir-birini vurmağa davam edir.
Turkustan.az xəbər verir ki, İranın bu gün günortadan sonra atdığı ballistik raketlərdən bəziləri Hayfaya düşüb. Şəhərin səmasından qatı tüstü qalxır, ard-arda törədilən partlayışların səsləri kilometrlərlə uzaqdan eşidilirdi. Həyəcan sirenləri şəhər boyu fəryad edib və insanların sığınacaqlara qaçdığı bildirilir.
İranın başlatdığı hücumlardan sonra Hayfa, Beersheba, Qüds və Tel-Əvivdə partlayış səsləri eşidilib. İsrail mediası hücumda 39 raketin aşkar edildiyini bildirib.
Raketin şəhərə düşməsi nəticəsində 12 nəfər yaralanıb; Yaralılardan 2-nin vəziyyətinin ağır olduğu açıqlanıb. Axtarış-xilasetmə qrupları və sağlamlıq bölmələri bölgədə işlərini davam etdirir.
Hücumlardan sonra sosial mediada paylaşılan görüntülərdə Hayfanın bir çox yerində qara tüstü buludları görünüb.
Aytən Yaşar/ Turkustan.az
