Almaniyanın Köln şəhəri İkinci Dünya Müharibəsindən qalan üç partlamamış bombanı zərərsizləşdirmək üçün genişmiqyaslı təxliyə əməliyyatına səhnədir.
Turkustan.az xəbər verir ki, partlamamış bomba təhlükəsi davam etdiyi üçün 1 kilometrlik ərazidə “İkinci Dünya Müharibəsinin bitməsindən bəri ən böyük əməliyyatın” keçirilməsi qərara alınıb. Təxliyə prosesi şəhər mərkəzi də daxil olmaqla 20 minə yaxın insanı əhatə edir. Təxliyə edilən ərazi Köln şəhərinin mərkəzini və tarixi ərazilərini əhatə edir.
Səlahiyyətlilər mümkün təhlükənin qarşısını almaq üçün 58 mehmanxana, bir çox muzey, məktəb, uşaq bağçası və ictimai binanın müvəqqəti bağlandığını açıqlayıb. Almaniyanın WDR telekanalının məlumatına görə, tapılan bombalardan birinin çəkisi 10 ton, digər ikisinin isə 20 ton ağırlığındadır.
Bütün bombaların zərbə qoruyucuları ilə təchiz edildiyi açıqlanıb. Bu cür qoruyucular bombaların yerə dəydikdə partlama riskini daşıyır və müdaxiləni daha da təhlükəli edir.
Ekspert qrupları bombaları təhlükəsiz şəkildə zərərsizləşdirmək üçün xüsusi texnikalardan istifadə edəcək. Ərazidə həm havadan, həm də qurudan sıx təhlükəsizlik tədbirləri görülüb. Evakuasiya prosedurları başa çatdıqdan sonra məhvetmə prosesi başlayacaq.
Aytən Yaşar/ Turkustan.az
