Kremlin sözçüsü Dmitri Peskov Rusiyanın dövlət kanalı “Rossiya 1”də diqqətçəkən açıqlamalar verib.
Turkustan.az xəbər verir ki, Ukraynanın son vaxtlar Rusiyaya qarşı pilotsuz uçuş aparatlarının (PUA) hücumlarının artmasına münasibət bildirən Peskov: "Rusiya prezidenti Vladimir Putin açıq şəkildə bildirib ki, ölkəmiz PUA-lardan narahat olarsa, cavab veriləcək".
Rusiyanın Belqorod və Kursk kimi bölgələrindəki mülki strukturların Ukrayna tərəfindən hədəf alındığını bildirən Peskov, "Təəssüf ki, avropalılar və amerikalılar açıq şəkildə bizə hücum etməyə çalışan pilotsuz təyyarələrə göz yummaq istəyirlər" deyib.
Aytən Yaşar/ Turkustan.az
