Ukrayna prezidenti Vladimir Zelenski əsas prioritetlərinin tam və qeyd-şərtsiz atəşkəsə nail olmaq olduğunu vurğulayıb və İstanbulda keçirilən sülh danışıqlarında atəşkəs nəticəsinin əldə edilməli olduğunu deyib.
Turkustan.az xəbər verir ki, Zelenski Albaniyanın paytaxtı Tiranada keçirilən Avropa Siyasi Birliyinin (AKT) 6-cı sammitində çıxış edib.
Ukraynada sülhün bərqərar olmasına ehtiyac olduğunu və Avropada sabitliyin davam etdirilməsinin bundan asılı olduğunu ifadə edən Zelenski İstanbulda Türkiyənin ev sahibliyi etdiyi Rusiya və Ukrayna arasında danışıqların sülh yolunda mühüm addım olduğunu bildirib.
Zelenski: "Mən dünən Ankarada idim. Prezident Ərdoğanla mən birbaşa Ankarada və ya İstanbulda Putinlə görüşməyə və bütün vacib məsələləri həll etməyə hazır idik. Lakin Putin qəbul etmədi" deyib.
İclaslara qatılmaq üçün İstanbuldakı Rusiya nümayəndə heyətinin yüksək səviyyəli rəsmilərdən ibarət olmadığını söyləyən Zelenski Rusiyanın barışmaqda qərarlı olub-olmadığını öyrənmək üçün Ukrayna nümayəndə heyətini İstanbula göndərdiyini qeyd edib.
Aytən Yaşar/ Turkustan.az
