Azərbaycanda yaşı 100 və daha çox olan sosial ödəniş alan şəxslərin sayı açıqlanıb.
Turkustan.az xəbər verir ki, Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondundan bildirilib ki, cari ilin iyulun 20-nə olan məlumata əsasən, ölkədə yaşı 100 və daha çox olan 288 nəfər sosial ödəniş alır.
Məlumata görə, onlardan 285 nəfəri əmək pensiyası, 3 nəfəri isə yaşa görə sosial müavinət alır.
Fondun məlumatına əsasən, yaşı 100 və daha çox olan sosial ödəniş alan şəxslərin ən böyük hissəsi Bakı şəhərində, eləcə də Bərdə və İsmayıllı rayonlarında yaşayır.
