İran mediasında ABŞ Prezidenti Donald Trampın ailəsini hədəf aldığı iddia edilən video yayılıb.
Turkustan.az xəbər verir ki, İran İnqilab Keşikçiləri Korpusuna yaxınlığı ilə tanınan Tasnim xəbər agentliyinin Telegram kanalında yayımlanan videoda ABŞ-ın birinci xanımı Melaniya Trampın gündəlik həyatı ilə bağlı olduğu iddia edilən məlumatlar yer alıb.
Videoda Melaniya Trampın tez-tez ziyarət etdiyi və alış-veriş etdiyi iddia olunan məkanlar göstərilir.
Məlumata görə, videonun sonunda Donald Trampın oğlu Barron Trampa ünvanlandığı iddia edilən təhdid xarakterli mesaj da yer alıb. Bildirilir ki, görüntülərdə "Qoy bizi gözləsin" ifadəsi işlədilib.
AYtən Yaşar/ Turkustan.az
