ABŞ-ın ticari xam neft ehtiyatları keçən həftə bir əvvəlki həftəyə görə təxminən 1 milyon 200 min barrel artdı.
Turkustan.az xəbər verir ki, ABŞ Enerji İnformasiya İdarəsi (EIA) ölkədəki ticari xam neft ehtiyatlarının keçən həftə təxminən 1 milyon 200 min barrel artaraq 455 milyon 900 min barrelə çatdığını açıqladı. Bazar gözləntisi ehtiyatların təxminən 2 milyon 100 min barel azalacağı idi.
Kommersiya xam neft ehtiyatlarına daxil olmayan strateji xam neft ehtiyatları təxminən 900 min barel artaraq 370 milyon 200 min barel səviyyəsinə çatıb.
Sözügedən dövrdə ABŞ-ın benzin ehtiyatları təxminən 2 milyon 100 min barel artaraq 230 milyon 900 min barel səviyyəsinə çatıb.
- Neft hasilatı artıb
ABŞ-ın xam neft idxalı ötən həftə əvvəlki həftəyə görə gündəlik orta hesabla 289 min barrel artaraq 7 milyon 58 min barrelə, xam neft ixracı isə gündəlik orta hesabla 276 min barrel artaraq 4 milyon 501 barelə çatıb.
Ölkənin gündəlik xam neft hasilatı 25-31 may həftəsində 4 min barrel artaraq 13 milyon 526 min barrelə çatıb.
EIA-nın May 2024-cü il Qısamüddətli Enerji Görünüşü Hesabatına görə, ABŞ-ın gündəlik orta xam neft hasilatının bu il 13 milyon 200 min barrel, gələn il isə 13 milyon 730 min barrel olacağı gözlənilir.
Eltac Zülfüqaroğlu/Turkustan.az
