Kremlin yerli telekanallarda əsas ruporlarından biri olan Vladimir Solovyov Azərbaycan və Ermənistanı hərbi müdaxilə ilə hədələyib.
Turkustan.az xəbər verir ki, o, regionda baş verənləri problem adlandırıb:
“Biz başa düşməliyik, Cənubi Qafqazda baş verənlər bizim üçün çox böyük problemdir. Xəzər dənizində NATO bazaları peyda ola bilər. Geosiyasi baxımdan bu bizim üçün o qədər təhlükəli və o qədər ağır nəticələrə gətirə bilər ki, biz yeni "xüsusi hərbi əməliyyatın" şahidi ola bilərik”.
Qeyd edək ki, Rusiya hakimiyyətindən Azərbaycanın və Ermənistanın ünvanına vaxtarşırı belə boş, cəfəng iddialar, hədə-qorxu bəyanatları səsləndirilir. Rəsmi Bakı bir qayda olaraq, Kreml təbliğatçılarının hədyanlarına reaksiya vermir və regional xarici siyasətini öz gündəliyinə, milli maraqlarına uyğun şəkildə həyata keçirməyə davam edir./yenisabah.az
