ABŞ-ın vitse-prezidenti JD Vance İranın mümkün təyyarə qaçırma cəhdləri və ABŞ-a qarşı oxşar hücumlarla bağlı ölkədə təhlükəsizlik tədbirlərinin gücləndirildiyini bildirib.
Turkustan.az xəbər verir ki, Vance kampaniya məqsədilə Alyaskaya yola düşməzdən əvvəl jurnalistlərin suallarını cavablandırıb.
İsrail təyyarəsinin qaçırılmasına cəhd göstərilməsindən sonra İranın ABŞ təyyarələrinə hücum edə biləcəyi ilə bağlı narahatlıqlar barədə danışan Vance bütün ehtimallara qarşı tədbirlər gördüklərini və ABŞ-dakı təhlükəsizlik prosedurlarını diqqətlə nəzərdən keçirdiklərini bildirib.
“ABŞ-da İranla münasibətlərlə bağlı baş verən inkişaflara müsbət yanaşıram”, – deyə Vance qeyd edib.
Vitse-prezident aidiyyəti qurumların açıqlamalarını qabaqlamaq istəmədiyini vurğulayıb: “Bu, mütləq diqqət yetirdiyimiz bir məsələdir. Lakin bu mərhələdə hər hansı çox spesifik və ya qeyri-adi vəziyyətlə qarşılaşdığımı deyə bilmərəm”.
Vance ABŞ-ın xaricdəki aktivlərinin mümkün hücumlardan qorunmasına son dərəcə ehtiyatla yanaşacaqlarını bildirib. O, belə missiyaların həyata keçirilməsinin özlüyündə müəyyən risklər daşıdığını vurğulayıb.
“Biz İran dövlətinin 49 ildir etdiyi işi davam etdirdiyinə, həm ABŞ-a, həm də bir çox digər qruplara qarşı terror aktları törətdiyinə qəti əminik. Buna görə də biz son dərəcə ehtiyatla hərəkət edirik”, – deyə, Vens bildirib.
Aytən Yaşar / Turkustan.az
