Nepalda 1200-dən çox insanın ölümünə səbəb olan daşqınların doqquzuncu günündə su elektrik stansiyasına məxsus tuneldən iki işçi sağ xilas edilib.
Turkustan.az xəbər verir ki, 26 avqustda Çin sərhədi yaxınlığındakı Rasuva bölgəsində baş verən daşqınlardan sonra minlərlə insan üçün axtarış-xilasetmə əməliyyatları davam etdirilir. Hakimiyyət orqanları Trişuli çayı boyunca yerləşən su elektrik stansiyalarının tunellərində təxminən 900 nəfərin ilişib qalmış ola biləcəyini ehtimal edir.
Energetika naziri Biraj Bhakta Şresthanın ofisindən verilən açıqlamada Yuxarı Trişuli 3A Su Elektrik Stansiyasının tunelindən xilas edilən iki şəxsin mexaniki usta və mexaniki nəzarətçi olduğu bildirilib.
Daşqınlar nəticəsində 1200-dən çox insan həyatını itirib, on minlərlə insan isə evsiz qalıb.
Aytən Yaşar/ Turkustan.az
