Braziliya Prezidenti Luiz İnasio Lula da Silva ABŞ Prezidenti Donald Trampın Hörmüz boğazından keçən bütün yüklərə 20 faiz tranzit haqqı tətbiq ediləcəyi ilə bağlı açıqlamasını sərt tənqid edərək bunu "piratçılıq" adlandırıb.
Turkustan.az xəbər verir ki, San-Pauloda keçirilən tədbirdə çıxış edən Lula da Silva bildirib ki, ABŞ kimi uzun illər piratçılığa qarşı mübarizə aparan bir dövlətin bu cür addım atması qəbuledilməzdir.
"ABŞ kimi uzun müddətdir piratçılığa qarşı mübarizə aparan böyük bir ölkə indi özü pirat ola bilməz. Onların Hörmüz boğazından vergi toplamaq hüququ yoxdur. Hörmüz boğazında baş verənlərə görə məsuliyyət ABŞ-ın üzərindədir. O, əvvəllər bağlanmamışdı", – deyə, Braziliya lideri vurğulayıb.
Lula da Silva qeyd edib ki, ABŞ-ın İrana hücumundan əvvəl Hörmüz boğazı beynəlxalq gəmiçilik üçün açıq idi. Onun sözlərinə görə, Tramp administrasiyası yaranmış böhrandan iqtisadi gəlir əldə etməyə çalışır.
Aytən Yaşar/ Turkustan.az
