ABŞ senatoru Lindsi Qraham İsrailə səfəri zamanı prezident Donald Trampın İranla bağlı qərarı "aylar deyil, həftələr ərzində" verəcəyini iddia edib.
Turkustan.az xəbər verir ki, ABŞ senatoru Qraham Təl-Əvivdə keçirilən mətbuat konfransında ABŞ-ın İrana mümkün hərbi hücumu və Cenevrədə keçiriləcək nüvə danışıqlarının ikinci mərhələsi ilə bağlı açıqlamalar verib.
Qrem bildirib ki, Vaşinqton administrasiyasının iki variantı var: "Biri diplomatik yol, milli təhlükəsizlik maraqlarımızı inkişaf etdirəcək şəkildə bu rejimi diplomatik şəkildə bitirməyin yolunu tapmağa çalışmaq. Digəri isə hərbi seçimdir."
Qrem ABŞ prezidenti Donald Trampın "daha böyük balığı hansı variantda tutacağını" araşdırdığını və Trampın qərarını "aylar deyil, həftələr" ərzində verəcəyini iddia edib.
İran rejiminin 1979-cu ildən bəri "ən zəif nöqtəsində" olduğunu iddia edən Qraham, İranın ABŞ-ın mümkün hücumuna verdiyi cavabla bağlı belə deyib: "Bölgədəki qoşunlarımız vurula bilərmi? Əlbəttə. Əgər hərtərəfli hücum başlatsaq, İran qisas ala bilərmi? Əlbəttə."
“The Times of Israel” qəzetinə verdiyi müsahibədə Qraham Tramp və Netanyahu arasında İranla bağlı “heç bir fikir ayrılığı” olmadığını iddia edib.
Aytən Yaşar/ Turkustan.az
