Rusiya Müdafiə Nazirliyi, Novqorodda Rusiya Prezidenti Vladimir Putinin rəsmi iqamətgahına Ukrayna pilotsuz təyyarəsinin hücumuna cavab olaraq Ukraynadakı hədəflərə "Oreshnik" ballistik raket hücumları etdiyini açıqladı.
Turkustan.az xəbər verir ki, Nazirliyin açıqlamasında bildirilir ki, Ukraynadakı hədəflərə edilən hücumlar Ukraynanın 29 dekabrda Putinin Novqoroddakı iqamətgahına qarşı həyata keçirdiyi "terror hücumuna" cavabdır.
Bəyanatda deyilir: "Rusiya Silahlı Qüvvələri Ukraynadakı vacib hədəflərə qarşı qurudan və dənizdən atılan uzaq mənzilli, yüksək dəqiqlikli silahlardan, o cümlədən "Oreshnik" orta mənzilli mobil raket sistemi və PUA-lardan istifadə edərək genişmiqyaslı hücuma başlayıb".
Bəyanatda hücumun məqsədinə çatdığı vurğulanaraq deyilir: "Hədəflər terror hücumunda istifadə edilən PUA-ların istehsal müəssisələrini və Ukraynanın hərbi-sənaye kompleksini dəstəkləyən enerji infrastrukturunu əhatə edirdi. Cinayətkar Ukrayna rejiminin heç bir terror aktı cavabsız qalmayacaq".
Ukrayna və Rusiya sosial media hesabları dünən gecə Ukraynanın Lvov şəhərində "Oreshnik" raket sistemləri ilə həyata keçirildiyini iddia etdikləri hücumların görüntülərini paylaşıblar.
Aytən Yaşar/ Turkustan.az
