ABŞ dövlət katibi Marko Rubio avropalı müttəfiqlərinə Rusiya ilə sülh sazişi imzalandıqdan sonra Ukrayna üçün təhlükəsizlik təminatlarının müzakirə ediləcəyi barədə məlumat verib.
Turkustan.az xəbər verir ki, “Politico” jurnalının məlumatına görə, təfərrüatları açıqlanmayan danışıqlarla tanış olan iki avropalı diplomat, Rubionun Avropa rəsmiləri ilə təmaslarında Vaşinqtonun Ukrayna siyasətinə yanaşmasını bölüşdüyünü bildirib.
Diplomatlar Rubionun Ukraynaya təhlükəsizlik zəmanəti verilməzdən əvvəl Rusiya ilə sülh razılaşmasının zəruri olduğunu bildirdiyini və bu tələbin ABŞ-ın bu yaxınlarda Kiyevə təqdim etdiyi siyasi və diplomatik təkliflərdə də öz əksini tapdığını iddia edib.
Digər bir avropalı rəsminin sözlərinə görə, Rubio təhlükəsizlik zəmanətlərinin Vaşinqton üçün vacib olduğunu və digər danışıqlar mövzularından ayrı işləndiyini vurğulayaraq, ABŞ administrasiyasının bütün məsələlərdə hərtərəfli və sürətli razılaşma əldə etmək istədiyini bildirib.
Aytən Yaşar/ Turkustan.az
