Milyarder İlon Mask süni intellektlə bağlı növbəti iddiası ilə diqqət çəkib.
Turkustan.az xəbər verir ki, o, süni intellektin 2026-cı ildə insan səviyyəsini keçəcəyini, 2029-cu ilə qədər isə bütün bəşəriyyətin intellektual səviyyəsindən üstün olacağını ifadə edib.
"FOX Business"in yaydığı məlumata istinad edən Mask bu barədə özünün "X" hesabında yazıb.
O, süni intellektin potensial təhlükələrindən narahat olduğunu bir daha diqqətə çatdırıb. Sahibkar bu sahədə sərt tənzimləmə tədbirlərinə ehtiyac duyulduğunu vurğulayıb.
Mask süni intellekt yanlış şəkildə idarə olunduğu təqdirdə bu texnologiyanın sivilizasiyanın məhvinə səbəb ola biləcəyi barədə xəbərdarlıq edib. /publika.az/
