İstanbulda keçiriləcək danışıqların ikinci raundunda Rusiya nümayəndə heyətinin tərkibi də eyni olacaq.
Turkustan.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova “Rossiya-1” telekanalının “60 dəqiqə” verilişinin efirində deyib.
"Eyni Rusiya nümayəndə heyəti", - diplomat müvafiq sualı cavablandırarkən deyib.
Bildirək ki, Rusiyanın xarici işlər naziri Sergey Lavrov Ukrayna ilə iyunun 2-də İstanbulda keçirilməsi planlaşdırılan danışıqların ikinci raundunu elan edib. Rusiya Xarici İşlər Nazirliyinin rəhbəri bəyan edib ki, nümayəndə heyətinin rəhbəri Vladimir Medinski böhranın əsas səbəblərini aradan qaldırmağın bütün aspektlərinə dair Rusiyadan memorandumu Ukraynaya təhvil verəcək.
Danışıqların sonuncu raundu mayın 16-da baş tutub və “1000-ə 1000” prinsipi ilə əsirlərin mübadiləsinə dair razılaşmalar və mümkün gələcək atəşkəslə bağlı baxışlarının təqdimatı ilə başa çatıb. Hər iki tərəf görüşün yekunlarından razı qaldıqlarını bildiriblər.
Aytən Yaşar/ Turkustan.az
