Rusiya və Ukrayna arasında İstanbulda əldə olunan razılaşma əsasında həyata keçirilən 1000 nəfərə qarşı 1000 nəfərlik əsir mübadiləsi müharibənin əvvəlindən bəri ən böyük dəyişiklik kimi qiymətləndirilsə də, Ukraynada bu razılaşma ilə bağlı məyusluq yaranıb.
Turkustan.az xəbər verir ki, bu barədə “Nexta” məlumat yayıb.
Məlumata görə, Ukrayna tərəfi bildirib ki, mübadilə nəticəsində “Azov” alayının bircə üzvü belə geri qaytarılmayıb. Rusiya Ukraynaya müharibədən əvvəl cinayət törətdiklərinə görə məhkum olunmuş və deportasiya olunması planlaşdırılan şəxsləri təhvil verib.
Ukraynalı hüquqşünaslar qeyd edir ki, mübadilə siyahılarına növbəti dəfə nə qadınlar, nə xəstələr, nə də 24 fevral 2022-ci ildən əvvəl həbs olunmuş mülki şəxslər daxil edilib.
Faktiki olaraq, Rusiya qanunla deportasiya etməli olduğu şəxsləri “əsir” kimi təqdim edərək bu addımı humanist jest kimi qələmə verib. /globalinfo.az/
