“Amerikalılar 7 martda xəbərdarlıq etdi. Daha sonra martın 8-də Britaniya səfirliyindən növbəti xəbərdarlıq gəldi. Bütün bunlar Moskvada vətəndaşlara böyük hadisələrdən qaçmaq üçün xəbərdarlıq idi.
Turkustan.az xəbər verir ki, bu sözləri Rusiyanın xarici işlər naziri Sergey Lavrov Moskvada "Crocus Hall"da baş verən terror aktından danışarkən deyib.
Lavrov ABŞ-ın Moskvadakı terror aktından əvvəl Rusiyaya xəbərdarlıq etdiyi barədə suala belə cavab verib:
"Bir qayda olaraq, kəşfiyyat orqanları arasında əlaqələr diqqətdən kənarda qalır. Lakin Rusiya Federal Təhlükəsizlik Xidmətinin direktoru Aleksandr Bortnikov bu yaxınlarda verdiyi müsahibədə bu təmasların baş verdiyini, faktiki olaraq xəbərdarlıq aldığını, lakin bunun çox ümumi xarakter daşıdığını bildirib". /musavat.com/
