ABŞ Federal Aviasiya Administrasiyasının (FAA) Prezident Donald Trampı daşıyan Marine One helikopterinin uçuşu zamanı baş vermiş təhlükəsizlik insidenti ilə bağlı araşdırmaya başladığı bildirilir.
Turkustan.az xəbər verir ki, The Wall Street Journal qəzetinin məlumatına görə, hadisə Trampın helikopteri Ağ Evdən havaya qalxarkən yaxınlıqdakı Ronald Reyqan Vaşinqton Milli Hava Limanında kommersiya uçuşlarının dayandırılmaması səbəbindən baş verib.
Adı açıqlanmayan mənbələrin sözlərinə görə, insident FAA tərəfindən "təhlükəsizlik hadisəsi" kimi araşdırılır.
Məlumata əsasən, Marine One havaya qalxdığı vaxt hava limanında uçuşların davam etməsi mümkün risk yaradıb. ABŞ rəsmiləri hadisəni "dar fərqlə qarşısı alınmış təhlükə" kimi qiymətləndirirlər.
Araşdırmanın məqsədi prezidentin hava nəqliyyatı zamanı tətbiq edilməli olan təhlükəsizlik prosedurlarına niyə tam əməl olunmadığını müəyyənləşdirməkdir. Hazırda FAA məsələ ilə bağlı araşdırmanı davam etdirir.
Aytən Yaşar/ Turkustan.az
