ABŞ prezidenti Donald Trump Birləşmiş Krallığın növbəti baş naziri olacağı gözlənilən Andy Burnham haqqında çox məlumatı olmadığını bildirib.
Turkustan.az xəbər verir ki, Tramp onu "kiçik bir şəhərin meri" və "son dərəcə liberal insan" kimi xarakterizə edib. O, həmçinin Börnhemin öz mövqeyinin əksinə olaraq Şimal dənizində yeni neft və qaz hasilatı layihələrini dəstəkləməyəcəyini düşündüyünü söyləyib.
Tramp Böyük Britaniyada yaranmış siyasi böhran və yeni baş nazirin seçilməsi prosesi barədə danışarkən, istefa vermiş baş nazir Keir Starmer haqqında da fikirlərini bölüşüb. ABŞ prezidenti Starmerin Şimal dənizində daha geniş neft-qaz qazmalarına icazə verilməsinin vacibliyinə dair mövqeyini bir daha vurğulayıb. Bununla belə, o, əvvəlki açıqlamalarında Britaniya baş nazirinə yönəltdiyi sərt tənqidlərdən bu dəfə çəkinib.
2024-cü ildə keçirilən seçkilərdən sonra Starmer Trampla münasibətləri qorumağa çalışaraq ona 2025-ci ildə həyata keçirilməsi nəzərdə tutulan misli görünməmiş ikinci dövlət səfərini təklif etmişdi. Lakin tərəflər arasında münasibətlər, Birləşmiş Krallığın ABŞ-ın İrana qarşı mümkün əməliyyatlar zamanı Britaniya hərbi bazalarından istifadə ilə bağlı ilkin müraciətini rədd etməsindən sonra gərginləşmişdi. Daha sonra isə London Vaşinqtona həmin bazalardan istifadə etməyə icazə vermişdi.
Aytən Yaşar/ Turkustan.az
