“İran hələ də ABŞ-yə etibar etmir, amma danışıqlara hazırdır”.
Turkustan.az xəbər verir ki, bunu İranın BMT-dəki nümayəndəsi Əli Bəhreyni deyib.
“Biz qarşı tərəfə etibar etmirik. Silahlı Qüvvələrimiz döyüşə hazırdır, eyni zamanda, qarşı tərəfin nə qədər ciddi olduğunu görmək üçün danışıqlara gedəcəyik”, - diplomat bildirib.
Xatırladaq ki, bundan əvvəl ABŞ Prezidenti Donald Tramp İrana hücumları müvəqqəti olaraq dayandırmağa hazır olduğunu bildirdikdən sonra rəsmi Tehran iki həftəlik atəşkəs şərtlərini qəbul edib. Şərtlərdən biri İranın Hörmüz boğazını açması ilə əlaqəlidir. Tərəflər arasında danışıqların aprelin 10-da İslamabadda aparılması planlaşdırılır.
ABŞ və İsrail müvafiq razılaşma çərçivəsində İrana qarşı hərbi əməliyyatları iki həftə təxirə salıb./teleqraf
