Pentaqon rəhbəri Pit Heqset ABŞ Prezidenti Donald Trampa İrandakı döyüşlərdə Amerika qüvvələrinin üstünlüyü barədə yalan informasiya verir.
Turkustan.az xəbər verir ki, bu barədə "Vaşington Post" qəzetinin məlumatında deyilir.
Ağ Evin adı açıqlanmayan rəsmisi jurnalistlərə bildirib ki, Heqset prezidentə yalan danışır və nəticədə prezident yanlış məlumat yayır.
Nəşr amerikalı pilotların xilasetmə əməliyyatını misal gətirir: bu əməliyyat Heqsetin hava üstünlüyü iddialarına baxmayaraq, Tehranın ABŞ hərbi personalını təhdid etməyə qadir olduğunu nümayiş etdirib.
Məqalədə həmçinin Heqsetin İran səmasına tam nəzarətin əldə edilməsi ilə bağlı son həftələrdə təqdim etdiyi statistika da şübhə altına alınıb.
"Heqset həftələrdir İranın hava hücumundan müdafiə sistemlərinin olmadığını və ABŞ-ın hava hücumlarına qarşı heç nə edə bilməyəcəyini iddia etsə də, Tramp bazar ertəsi günü Ağ Evdə keçirdiyi mətbuat konfransında daşına bilən raketin F-15 təyyarəsini vurduğunu etiraf etdi", - deyə məqalədə bildirilib. /axar.az/
