ABŞ, İsrail və İran arasında münaqişə daha da şiddətlənib.
Turkustan.az xəbər verir ki, ABŞ prezidenti Donald Trampın müharibədə əhəmiyyətli uğurlar əldə edildiyini və “müharibənin əsasən başa çatdığı” barədə açıqlamasından sonra tərəflər arasında qarşılıqlı gərginlik artıb. Bu fonda ABŞ ordusu bölgədəki hərbi mövcudluğunu gücləndirmək qərarına gəlib.
Məlumata görə, ABŞ-a məxsus üçüncü təyyarədaşıyan gəmi də bölgəyə doğru yola düşüb. Bildirilir ki, müharibənin növbəti mərhələsində İranda mülki obyektlərin də hədəfə alınması ehtimalı istisna edilmir.
Bildirək ki, İsrail və ABŞ fevralın 28-də Tehran və Vaşinqton administrasiyaları arasında danışıqlar davam etdiyi bir vaxtda İrana hərbi hücumlara başlayıblar.
İran rəsmilərinin məlumatına görə, ABŞ və İsrailin hücumları nəticəsində 1332 nəfər həlak olub.
Aytən Yaşar/ Turkustan.az
