Məhkəməni gözləyərkən həbsxanada ölü tapılan milyarder Ceffri Epşteynlə bağlı açıqlanan yeni sənədlərdə Epşteynin ölü tapıldığı müəssisədə işləyən həbsxana işçisinin təhlükəsizlik kamerası sistemləri ilə bağlı sorğu-sual edildiyi vurğulanır.
Turkustan.az xəbər verir ki, ABŞ-da yetkinlik yaşına çatmayan qızlara cinsi istismar və fahişəlik şəbəkəsi idarə etmək ittihamı ilə həbs olunaraq mühakimə olunan və həbsxanada ölü tapılan milyarder Ceffri Epşteynlə bağlı yeni sənədlərdə Epşteynin ölü tapıldığı müəssisədə işləyən həbsxana işçisinin təhlükəsizlik kamerası sistemləri ilə bağlı sorğu-sual edildiyi vurğulanır.
ABŞ Ədliyyə Nazirliyi tərəfindən Epşteyn istintaqının bir hissəsi olaraq açıqlanan sənədlərdən təfərrüatlar ictimaiyyətə sızdırılmağa davam edir.
Sənədlərə görə, Epşteynin 10 avqust 2019-cu ildə ölü tapıldığı Nyu-Yorkdakı Manhetten Metropolitan İslah Mərkəzinin bir əməkdaşının həbsxananın kamera sistemləri ilə bağlı dindirilməsi də daxil edilib.
Sənədlərdə adı gizli saxlanılan şəxs 2016-cı ildə həbsxanadakı bütün kameralara görə məsuliyyəti öz üzərinə götürdüklərini bildirir və əlavə edir ki, kameralar köhnə idi, səsyazma cihazları tez-tez nasazlıq yaradır və analoq sistemlərə müntəzəm olaraq texniki xidmət göstərilmirdi.
Şəxs bildirir ki, rəqəmsal video yazıcı (DVR) nasaz olduqda kameralar qeyd etmir və "DVR 2" sisteminin 29 iyul 2019-cu ildə, ana platasının 8 avqustda və sərt diskinin isə Epşteynin ölü tapıldığı 10 avqustda sıradan çıxdığını göstərir.
Şəxs iki yeni sərt diskinin olduğunu, lakin onların quraşdırılmasının mövcud məlumatların silinəcəyini bildirdi. O, əlavə etdi ki, həbsxana rəisi görüntüləri istəyib və ona DVR-ı yenidən quraşdırmağı tapşırıb.
Şəxs bildirib ki, DVR-ı yenidən quraşdırmaq üçün nasaz diskləri çıxarmağa başlayıb və cihazın çıxarılması ABŞ Federal Təhqiqat Bürosunun (FTB) rəsmisi tərəfindən həyata keçirilib.
Şəxs həmçinin bildirib ki, hər iki sərt disk dəyişdirilərsə, sistemdəki bütün məlumatların silinəcəyini bilir və bu barədə həbsxana işçilərini əvvəlcədən məlumatlandırıb.
Aytən Yaşar/ Turkustan.az
