Prezident Vladimir Zelenski ABŞ prezidenti Donald Trampla Ukraynada ABŞ qoşunlarının yerləşdirilməsi ilə bağlı danışıqlar apardığını təsdiqləyib, lakin bu qərarın yalnız Amerika liderindən asılı olacağını vurğulayıb.
Turkustan.az xəbər verir ki, dövlət başçısı bunu jurnalistlərin suallarını cavablandırarkən bildirib.
Amerikalıların Ukraynada təhlükəsizlik zəmanətlərinin bir hissəsi olaraq - demarkasiya xəttində, yoxsa sərhəddə qoşun yerləşdirməyi planlaşdırdıqları sualına cavab olaraq Zelenski dedi: "Düzünü desəm, bunu Amerika Birləşmiş Ştatlarının Prezidenti təsdiqləyə bilər. Bunlar ABŞ-ın qoşunlarıdır və buna görə də bu cür qərarları verən Amerikadır. Əlbəttə ki, biz bunu Prezident Tramp və koalisiyanın nümayəndələri ilə müzakirə edirik."
O əlavə edib ki, Ukrayna təhlükəsizliyin qarantı kimi öz ərazisində Amerika qoşunlarının olmasını istəyir. Prezidentin sözlərinə görə, bu, təhlükəsizlik zəmanətləri baxımından güclü mövqe olardı.
Xəbər verildiyi kimi, ABŞ prezidenti Donald Tramp 29 dekabr bazar günü Florida ştatındakı Mar-a-Laqo iqamətgahında Ukrayna prezidenti Volodimir Zelenski ilə görüşdən sonra müharibəyə son qoymaq üçün danışıqlarda əhəmiyyətli irəliləyiş əldə edildiyini açıqlayıb.
Aytən Yaşar/ Turkustan.az
