ABŞ İmmiqrasiya və Gömrük Mühafizəsi (ICE) rəsmiləri Hyundai-nin Corciyadakı elektrikli avtomobil akkumulyatorları istehsal edən müəssisəsinə basqın keçirərək, 475 nəfəri saxlayıb.
Turkustan.az xəbər verir ki, ABŞ Daxili Təhlükəsizlik Departamentindən verilən yazılı açıqlamada Federal Təhqiqat Bürosu (FTB) və əyalət polisinin müşayiəti ilə əyalətin "qeyri-qanuni məşğulluq tətbiqləri və digər ciddi federal cinayətlər iddiaları ilə bağlı davam edən cinayət təhqiqatının bir hissəsi" olan Ellabelldəki Hyundai elektrikli avtomobil akkumulyatoru istehsal edən müəssisəyə basqın təşkil etdiyi bildirilib.
İstintaq çərçivəsində hakim tərəfindən verilən axtarış qərarı ilə basqının həyata keçirildiyi bildirilən açıqlamada viza müddəti bitmiş və ya qeyri-qanuni olaraq müəssisədə olan 475 nəfərin saxlanıldığı bildirilib.
Açıqlamada saxlanılanların “Hyundai” ilə yanaşı, müxtəlif vasitəçi şirkətlərdə çalışdıqları qeyd edilib.
Hyundai verdiyi yazılı açıqlamada "vəziyyətin yaxından izləndiyini və konkret şərtləri anlamaq üçün işlərin davam etdiyini" ifadə edərək, "Bu gündən etibarən saxlanılanların heç birinin birbaşa Hyundai Motor Company-də işləmədiyini başa düşürük" dedi.
Bildirilib ki, Daxili Təhlükəsizlik Nazirliyinin rəsmiləri istintaq və basqınla bağlı daha ətraflı məlumatı bölüşmək üçün mətbuat konfransı keçirməyi planlaşdırıblar.
Aytən Yaşar/ Turkustan.az
