Avropa Parlamentinin (AP) 60-dan çox üzvü İsrailə qarşı tədbir görülməsi üçün Avropa İttifaqının (Aİ) xarici işlər nazirlərinin təcili toplantısını tələb edib.
Turkustan.az xəbər verir ki, Belçikalı Avropa Parlamentinin deputatı Mark Botenqa X sosial media hesabında 60-dan çox deputatın məsələ ilə bağlı Aİ-nin Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallasa məktub göndərdiyini açıqlayıb.
Buna uyğun olaraq, məktubda millət vəkilləri Qəzzada "ağır" humanitar vəziyyət, İsrailin yardım paylama məntəqələrində fələstinlilərə qarşı hücumlarının davam etməsi və bu hücumlar nəticəsində 1000-dən çox insanın ölümü ilə əlaqədar Təl-Əvivdən "təcili tədbirlər" görülməsini tələb ediblər.
Millət vəkilləri, AB ilə İsrail arasında iyulun 10-da Qəzzada humanitar vəziyyətin yaxşılaşdırılması üçün əldə edilən razılaşmadan sonra bölgədə heç bir "konkret dəyişikliyin" görülmədiyini bildirərək, Qəzzada uşaqlar aclıqdan ölərkən AB-nin "zəif söz və hərəkətsizlik"lə cavab verdiyini vurğuladılar.
Aytən Yaşar/ Turkustan.az
