Erakçı: İranın İsraili xəritədən silmək siyasəti...

“İranın İsraili xəritədən silmək siyasəti olmayıb”.

Turkustan.az xəbər verir ki, İranın xarici işlər naziri Abbas Erakçi Fox News-a verdiyi müsahibədə ölkəsinin xarici siyasəti və nüvə proqramı ilə bağlı önəmli açıqlamalar verib. O, İrana yönəlik “İsraili xəritədən silmək” kimi ittihamların əsassız olduğunu vurğulayaraq bildirib:

Erakçi ABŞ prezidenti Donald Tramp administrasiyası ilə birbaşa danışıqlara hazır olub-olmadığı sualına cavabında bildirib ki, İran danışıqlara açıqdır, lakin indiki mərhələdə birbaşa əlaqə qurmağı doğru saymır:

“Əgər ABŞ qazan-qazan-a əsaslı yanaşma ilə çıxış etsə, əlaqəyə hazırıq. Biz nüvə proqramımızın dinc məqsədli olduğunu sübut etmək üçün etimad qurucu addımlar atırıq. İran heç vaxt nüvə silahı əldə etməyə çalışmayacaq”.

O, Trampın Yaxın Şərq üzrə xüsusi nümayəndəsi Stiv Vitkoff ilə keçirdiyi görüşlərə də toxunaraq deyib ki, İranla razılıq mümkündür, amma bu, yalnız ölkənin qanuni hüquqları – xüsusilə uranın zənginləşdirilməsi təmin olunarsa baş verə bilər.

“Bizi zənginləşdirmə kimi hüquqlarımızdan məhrum etmək istəyirsiniz – bu, mümkün olmayacaq”.

Nazir qeyd edib ki, İran raket istehsalına hər hansı məhdudiyyəti qəbul etmir və bu məsələ ölkə üçün danışıqların “qırmızı xətti”dir.

Erakçi həmçinin İsrail və ABŞ-ın son hücumlarının İranın nüvə obyektlərinə ciddi ziyan vurduğunu, zənginləşdirmə fəaliyyətlərinin müvəqqəti dayandırıldığını bildirib. Hazırda obyektlərdə qiymətləndirmə işləri aparılır və nəticələr daha sonra açıqlanacaq.

Aytən Yaşar/ Turkustan.az