Amerikalı iş adamı İlon Maskın vergilərin azaldılması ilə bağlı qanun layihəsi ilə bağlı fikir ayrılığına düşdüyü prezidentlə bağlı bəzi paylaşımlarından peşman olduğunu açıqlama verməzdən əvvəl ABŞ prezidenti Donald Trampla telefonla danışdığı iddia edilib.
Turkustan.az xəbər verir ki, “New York Times” qəzeti, adının açıqlanmasını istəməyən məsələ ilə tanış olan üç nəfərə istinad edərək, Maskın Trampı tənqid etməkdə çox uzağa getdiyinə görə peşman olduğunu ifadə etdiyi dünənki yazısından əvvəl iyunun 9-da Trampla telefon danışığı apardığını iddia edib.
Hesabatda həmçinin iddia edilib ki, Mask iyunun 6-da Ağ Evin Baş Qərargah rəisi Susie Wiles və ABŞ-ın vitse-prezidenti JD Vance ilə telefonda danışaraq “səhvini düzəltməyə çalışıb”.
Mask dünənki paylaşımında “Tramp haqqında yazdığım bəzi yazılara görə peşmanam” deyərək, “həddindən artıq irəli getdiyini” əlavə edib.
Digər tərəfdən Tramp da dünənki açıqlamasında Maska qarşı heç bir pis hissləri olmadığını, sadəcə aralarındakı mübahisədən təəccübləndiyini bildirmiş və Maskla barışa biləcəyi mesajını vermişdi.
Aytən Yaşar/ Turkustan.az
