Avropa parlamentariləri Qəzzanın blokadasını yarmaq və İsrailin hücumları altında aclıqla mübarizə aparan fələstinlilərə humanitar yardım çatdırmaq üçün yola çıxan Azadlıq Donanması Koalisiyasının təhlükəsiz keçidinə çağırıblar.
Turkustan.az xəbər verir ki, Gəmidə olan Avropa Parlamentinin (AP) fransalı üzvü Rima Hassan X hesabında yazdığı yazıda 200-dən çox deputatın imzaladığı açıq məktubu paylaşıb.
Məktubda millət vəkilləri Qəzzəyə yardım gətirmək üçün yola çıxan Azadlıq Donanması Koalisiyasının (FFF) yelkənli "Madleen" gəmisindəki insanların təhlükəsizliyinin təmin edilməsini, yelkənli qayığın Qəzzaya təhlükəsiz və maneəsiz keçidinin təmin edilməsini və humanitar yardımların dərhal bölgəyə daxil olmasına icazə verilməsini tələb ediblər.
QHT Azadlıq Donanması Koalisiyasının Qəzzaya qarşı blokadanı yarmaq və bölgəyə yardım gətirmək üçün təşkil etdiyi son missiya çərçivəsində 18 metrlik yelkənli “Madlin” gəmisi iyunun 1-də Kataniya şəhərinin San Giovanni Li Cuti limanından Qəzzaya yola düşüb.
Yelkənli qayıqda isveçli fəal Qreta Tunberq və irlandiyalı aktyor Liam Kanninqem də daxil olmaqla 12 nəfər var.
İsrail ordusunun sözçüsü Effie Defrin mətbuata açıqlamasında Qəzzada İsrailin hücumları altında aclıqla mübarizə aparan fələstinlilərə humanitar yardım aparan gəmiyə qarşı tədbir görməyə hazırlaşdıqlarını bildirib.
Aytən Yaşar/ Turkustan.az
