Həbs edildikdən sonra İstanbul Böyükşəhər Bələdiyyəsinin sədri vəzifəsindən uzaqlaşdırılan Əkrəm İmamoğlu da daxil olmaqla, şübhəlilər barəsində “cinayətkar təşkilata liderlik etmək”, “cinayət təşkilatına üzv olmaq”, “hədə-qorxu ilə tələb etmə”, “məlumatları ələ keçirmə”, “məlumatları ələ keçirmə” cinayətləri ilə İstanbul Baş Prokurorluğu tərəfindən başlatılan korrupsiya istintaqı davam etdirilir.
Tukustan.az xəbər verir ki, martın 19-da həyata keçirilən ilk əməliyyatda Əkrəm İmamoğlu da daxil olmaqla onlarla İBB rəhbəri saxlanılıb. İmamoğlu və İBB rəhbərləri martın 23-də həbs edilib. Korrupsiya istintaqının ikinci dalğasında 52 nəfər saxlanılıb, 18 nəfər həbs edilib. Həbs edilənlər arasında Dilek İmamoğlunun böyük qardaşı Cevat Kaya, Bakırköy Bələdiyyə sədrinin müavini Əli Rıza Akyüz və Əkrəm İmamoğlunun girdiyi otelin təhlükəsizlik kamerasını söndürən mühafizəçi Çağlar Türkmen də var.
Bu səhər əməliyyatların üçüncü dalğasında daha 22 nəfər haqqında həbs qərarı çıxarılıb. İstintaq çərçivəsində İBB Mətbuat və Yayım İdarəsinin rəisi Taner Çətin və bir qrup İBB əməkdaşının saxlanıldığı bildirilib.
İstanbul Respublika Baş Prokurorluğu tərəfindən aparılan 'Korrupsiya' araşdırması çərçivəsində Beylikdüzü Bələdiyyə Başçısı olduğu müddətdən bəri Əkrəm İmamoğlu ilə əlaqəsi olan Taner Çətinin Murat Ongunla əlaqəsi olan Medya A.Ş.-də işlədiyi müəyyən edilib və Kültür A.Ş.-də əli olduğu əməllərlə bağlı aparılan istintaqda; Taner Çətinin özünə yaxın şirkətlər üçün tender təşkil etdiyi, tenderlərdə qalib gələn şirkətlərdən rüşvət şəklində maddi fayda əldə etdiyi və bu faydalarla bəzi daşınar və daşınmaz əmlak əldə etdiyi iddia edilib.
Aytən Yaşar/ Turkustan.az
