Hindistanın müdafiə naziri Rajnath Singh Cammu və Kəşmirdəki terror hücumuna cavab olaraq Pakistana qarşı başladılan Sindoor əməliyyatı ilə bağlı açıqlama verib.
Turkustan.az xəbər verir ki, "Hindustan Times" qəzetinin məlumatına görə, Sinq Qucarat əyalətindəki Bhuj Rudra Mata Hərbi Hava Qüvvələri bazasına səfəri zamanı mediaya danışıb.
Pakistana qarşı başladılan hərbi əməliyyatın davam etdiyini və hələ yekunlaşmadığını bildirən Sinq, "Sindoor əməliyyatı hələ bitməmişdi, bu sadəcə bir treyler idi" deyib.
Sinq Pakistanın fəaliyyətinin yaxından izlənildiyini vurğulayıb.
Əməliyyat çərçivəsində Pakistanın infrastrukturuna "əhəmiyyətli" ziyan dəydiyini iddia edən Sinq Pakistanın hava bazalarının əksəriyyətinin məhv edildiyini iddia edib.
Aytən Yaşar/ Turkustan.az
