İran yaxın vaxtlarda “Fath-360” qısa mənzilli ballistik raketlər üçün buraxılış qurğularını Rusiyaya ötürməyi planlaşdırır.
Turkustan.az xəbər verir ki, bu barədə mənbələrə istinadən Reuters məlumat yayıb .
Ötən ilin sentyabrında ABŞ İranın Rusiyaya sanksiyalar altında olan Rusiya bayraqlı 9 gəmidə raket göndərdiyini bildirmişdi. Bununla belə, raketlər buraxılış qurğuları olmadan çatdırılıb.
İranın Rusiyaya digər növ bu cür raketləri ötürməsi və ya Rusiya qüvvələrinin Fəth-360-dan istifadə etməsi ilə bağlı heç bir açıq sübutun olmadığı vurğulanır.
Nəşr qeyd edir ki, “Fath-360 buraxılış qurğularının çatdırılması - əgər bu baş tutarsa, Rusiyaya qonşusuna hücumları dəstəkləməyə və Moskva ilə Tehran arasında təhlükəsizlik sahəsində dərinləşən əlaqələrin təsdiqlənməsinə kömək edəcək”.
Analitiklərin fikrincə, 120 km mənzilli “Fath-360” rus qoşunlarına cəbhədəki Ukrayna mövqelərinə, hərbi obyektlərə və Rusiya sərhədi yaxınlığında yerləşən yaşayış məntəqələrinə zərbələr endirməyə imkan verəcək.Analitiklərin fikrincə, Fath-360-ın yerləşdirilməsi Rusiyaya Ukraynanın kritik infrastrukturuna, xüsusilə enerji infrastrukturuna uzun mənzilli zərbələr endirmək üçün “İskəndər” kimi daha müasir raketləri saxlamağa imkan verəcək ki, bu da hava hücumundan müdafiə sistemini daha da yükləyir.
Reuters qeyd edir ki, Rusiyanın raket yerləşdirməsi ABŞ prezidenti Donald Trampın Ukrayna və Rusiya arasında atəşkəs və sülh danışıqlarına nail olmaq, habelə İranla nüvə proqramını məhdudlaşdırmaq üçün ayrıca saziş bağlamaq səylərini çətinləşdirə bilər.
Aytən Yaşar/ Turkustan.az
