Ermənistanın iqtisadiyyat naziri Gevorq Papoyan jurnalistlərin “Türkiyə-Azərbaycan maliyyə vəsaitləri və şirkətləri ABŞ adı altında ölkəyə sıza bilərmi” sualını cavablandırıb.
Turkustan.az xəbər verir ki, nazir TRIPP layihəsi ilə bağlı əməkdaşlığın yalnız ABŞ-la həyata keçirilidiyini və bu narahatlığın əsassız olduğunu bildirib.
Papoyan həmçinin qeyd edib ki, Ermənistanda sülh bərqərar olduqdan və sərhədlər açıldıqdan sonra türk investisiyalarının olması təbii və müsbət haldır:
Nazir əlavə edib ki, Ermənistanda türk brendli otelin açılması mümkündür və bunun qarşısı alınmayacaq. /globalinfo.az/
