“Biz dəfələrlə Zəngəzur məsələsi ilə bağlı İranın mövqeyini Putin və Ərdoğanın diqqətinə çatdırmışıq. ABŞ-nin müdaxiləsi sadəcə pis deyil, fəlakətdir. Hətta Ermənistan da dəhliz yaradılmasının əleyhinədir”.
Turkustan.az xəbər verir ki, bunu İran parlamentinin Milli Təhlükəsizlik Komissiyasının üzvü Əlirza Borucerdi deyib.
“Lakin indiki mərhələdə İran baş verənləri nəzərə alaraq Bakı, Rusiya, Türkiyə və Ermənistana qarşı aktiv addımların atılmasını zəruri sayır”, - deyə o bildirib.
“Zəngəzur bizim qırmızı xəttimizdir və milli təhlükəsizlik məsələmizdir. Biz maraqlarımızı qorumaq üçün bütün mümkün vasitələrdən istifadə edəcəyik”, - “Telegram” kanalında yazıb.
Əlirza Borucerdinin çıxışında Azərbaycan yox, Bakı deməsi diqqədən qaçmayıb. Bu mövqe rəsmi Tehranın mövqeyidir, dəfələrlə çıxışlarda Azərbaycan yox, Bakı ifadəsi işlədilib. /Cebheinfo.az/
