ABŞ-ın Virciniya Universitetindən Biotibbi Mühəndis Prof. Richard J. Price fokuslanmış ultrasəs texnologiyasının xərçəng, Alzheimer və nadir nevroloji xəstəliklərin müalicəsində irəliləyiş yarada biləcəyini söyləyib.
Turkustan.az xəbər verir ki, tədqiqatlar göstərir ki, insan qulağı tərəfindən eşidilməyən yüksək tezlikli səs dalğaları (fokuslanmış ultrasəs) Alzheimer, xərçəng və bəzi nadir xəstəliklərin müalicəsində inqilab edə bilər . Hazırda diaqnostika və görüntüləmə məqsədləri üçün istifadə edilən ultrasəs texnologiyası indi birbaşa müalicəyə keçir.
Professor Richard J. Price fokuslanmış ultrasəs müayinəsi ilə məşğul olan biotibbi mühəndisdir. “Bu texnologiyanın ən maraqlı tərəfləri arasında dərmanların beyinə çatdırılmasının gücləndirilməsi, xərçəngə qarşı immunitet sisteminin stimullaşdırılması və nadir xəstəliklərin müalicəsi daxildir”, - deyə Prays metodun potensialını vurğulayır.
Fokuslanmış ultrasəs müvəqqəti olaraq qan-beyin baryerini açır, dərmanların və gen terapiyasının birbaşa beyinə çatmasına imkan verir. Bu, glioblastoma, Alzheimer və beyin metastazları kimi xəstəliklər üçün dərmanların effektivliyini artıra bilər.
Xərçəng hüceyrələrini parçalayaraq immunitet sistemini işə salan bu üsul, xüsusilə ənənəvi müalicələrə davamlı şişlər üçün ümidvericidir. ABŞ-ın Virciniya Universiteti dünyada ilk “Focused Ultrasəs İmmuno-onkologiya Mərkəzi”ni yaradaraq innovativ müalicə tədqiqatlarına başlayıb.
Serebral kavernoz malformasiya kimi nadir hallarda təsirli olduğu sübut edilən üsul, dərmansız da xəstəliyin gedişatını dayandıra bilir. Mütəxəssislər deyirlər ki, fokuslanmış ultrasəs yaxın illərdə bir çox vəziyyətlərdə cərrahiyyə və radiasiyaya alternativ müalicə üsulu ola bilər.
Aytən Yaşar/ Turkustan.az
