Xəbər verdiyimiz kimi, ABŞ prezidentinin xüsusi nümayəndəsi Stiv Uitkoffla Rusiya Prezidenti Vladimir Putinin köməkçisi Yuri Uşakov, eləcə də Putinin xüsusi nümayəndəsi Kirill Dmitriyev arasında aparılan danışıqların stenoqramı dərc edilib. Hadisə mətbuatda böyük rezonans doğurub. Sızdırılan məlumatlar Trampın sülh planının Kreml tərəfindən hazırlanmasını gündəmə gətirib.
Turkustan.az xəbər verir ki, “Bloomberg” nəşri həmin danışıqların tam mətnini yayımlayıb.
Sözügedən stenoqramı təqdim edirik:
Uitkoff: Salam, Yuri.
Uşakov: Bəli, Stiv, salam. Necəsən?
Uitkoff: Yaxşıyam, Yuri. Bəs sən?
Uşakov: Normal. Səni təbrik edirəm, dostum.
Uitkoff: Təşəkkür edirəm.
Uşakov: Sən əla iş gördün. Sadəcə əla. Sənə böyük təşəkkür. Sağ ol, sağ ol.
Uitkoff: Təşəkkürlər, Yuri, həm də dəstəyiniz üçün sağ olun. Mən bilirəm ki, ölkəniz bunu dəstəklədi və bunu yüksək qiymətləndirirəm.
Uşakov: Bir problem var, onu həll etmək lazımdır. (gülür)
Uitkoff: Hansı?
Uşakov: Rusiya–Ukrayna müharibəsi.
Uitkoff: Bilirəm! Bəs bunun öhdəsindən necə gələk?
Uşakov: Dostum, sadəcə sənin məsləhətini eşitmək istəyirəm. Səncə, bizim rəhbərlərin telefonla danışması faydalı olar?
Uitkoff: Bəli, məncə, olar.
Uşakov: Hə. Sənin fikrincə, bunu nə vaxt təşkil etmək mümkün olar?
Uitkoff: Məncə, siz təklif edər-etməz, mənim rəhbərim hazır olacaq.
Uşakov: Yaxşı, yaxşı.
Uitkoff: Yuri, Yuri, mən olsam belə edərdim.
Uşakov: Bəli, buyur.
Uitkoff: Mən zəng edib Prezident Trampın Qəzza ilə bağlı əldə etdiyi uğura görə onu təbrik edərdim, dəstəyinizi vurğulayardım, onu sülhsevər bir lider kimi dəyərləndirdiyinizi deyərdim və gördüyü işlərin nəticələrindən məmnun olduğunuzu bildirərdim. Məncə, bu çox yaxşı zəng olar.
Çünki… bax, Prezidentə nə dediyimi sənə deyim. Mən Prezidentə dedim ki, Rusiya həmişə sülh sazişi istəyib. Hesab edirəm ki, problem iki ölkənin kompromisə gəlməkdə çətinlik çəkməsidir. Amma kompromis olanda sülh olacaq. Mən hətta düşünürəm ki, Qəzzada olduğu kimi, 20 maddəlik bir sülh planı hazırlaya bilərik. Biz Trampın 20 maddəlik Qəzza planını hazırladıq, bəlkə sizinlə də oxşar plan hazırlayaq. Mənim fikrim budur…
Uşakov: Yaxşı, yaxşı, dostum. Elə bu məsələləri liderlərimiz müzakirə edə bilər. Stiv, mən də razıyam ki, o, Trampı təbrik edəcək, onu sülh yaradan lider adlandıracaq və s. Bunu deyəcək.
Uitkoff: Amma məncə, daha bir şey var ki, çox yaxşı işləyə bilər.
Uşakov: Bəli-bəli.
Uitkoff: Bəs necə olar… Bax, dinlə…
Uşakov: Mən bunu rəhbərimlə müzakirə edərəm və sənə geri dönüş edərəm. Yaxşı?
Uitkoff: Bəli, çünki mənim dediyim budur: Bəlkə bunu Prezident Putin də Trampa desin. Bilirsən ki, mən Prezident Putinə böyük hörmətlə yanaşıram.
Uşakov: Hə, hə.
Uitkoff: Ola bilər ki, o, Trampa desin ki, Stev və Yuri 20 maddəlik sülh planına bənzər bir şey müzakirə ediblər və bunun prosesi irəli aparmağa kömək edəcəyini düşünürlər — və biz bu cür şeylərə açığıq, sülh üçün lazım olanı müzakirə etməyə hazırıq.
Aramızda qalsın, mən başa düşürəm ki, sülh üçün nə lazımdır: Donetsk və bəlkə də bəzi əlavə ərazi dəyişiklikləri. Amma belə deməkdənsə, daha optimist danışaq. Məncə, bu yolla razılığa nail ola bilərik. Və məncə, Yuri, prezident mənə bu razılığı əldə etmək üçün geniş səlahiyyət verəcək.
Uşakov: Mən başa düşdüm…
Uitkoff: …ona görə də, əgər belə bir zəmin yarada bilsək ki, “mən Yuri ilə danışdım və biz planı müzakirə etdik” — məncə, bu ciddi irəliləyişə səbəb ola bilər.
Uşakov: Yaxşı, səslənir yaxşı.
Uitkoff: Bir də bir şey: Zelenski cümə günü Ağ Evdə olacaq.
Uşakov: Bilirəm (gülür).
Uitkoff: Mən də həmin görüşə gedəcəm, çünki onların istəyidir. Amma məncə, əgər mümkündürsə, bu görüşdən əvvəl sizin rəhbərlə telefon zəngi təşkil etmək yaxşı olardı.
Uşakov: Görüşdən əvvəl — eləmi?
Uitkoff: Düzdür.
Uşakov: Yaxşı, mən sənin məsləhətini başa düşdüm. Bunu rəhbərimlə müzakirə edib sənə xəbər edərəm, yaxşı?
Uitkoff: Oldu, Yuri, tezliklə danışarıq.
Uşakov: Əla, əla. Çox sağ ol.
Uitkoff: Sağ ol, sağ ol.
Uşakov: Sağ ol.
/Globalinfo.az
